Azərbaycan, Bakı, 16 aprel / Trend, müxbir A.Tağıyeva/
Ankara qondarma "erməni soyqırımı" haqqında iddialara qarşı mübarizə aparmaq üçün bütün dünyadakı türk diasporlarını birləşdirmək niyyətindədir. Trend-in məlumatına görə, bu barədə "Hürriyət" qəzet yazır.
Türkiyənin bu addımı 2015-ci ildə keçirilməsi planlaşdırılan qondarma "erməni soyqırımı"nın 100 illiyinə həsr olunmuş irimiqyaslı aksiyalara qarşı yönəldilib. Bu yalana qarşı mübarizə çərçivəsində sentyabrın 15-də Türkiyə və Azərbaycan diasporları beynəlxalq konfransa toplaşacaqlar. Konfransda Türkiyənin və Azərbaycanın minə yaxın siyasətçisinin, ictimai xadiminin, alimlərin, millət vəkillərinin, eləcə də bir çox ölkələrdən ədəbiyyat və incəsənət nümayəndələrinin iştirakı planlaşdırılıb.