Azərbaycan, Bakı, 7 avqust /Trend, müxbir S.Ağayeva/
Azərbaycanın Xarici İşlər Nazirliyi (XİN) İranın Ərdəbil şəhərində 4 azərbaycanlının saxlanılması haqqında məlumatı araşdırır. Trend-in məlumatına görə, bu barədə çərşənbə axşamı XİN-in mətbuat xidmətindən bildiriblər.
"İran tərəfi hələlik Azərbaycanın 4 vətəndaşının saxlanılması barədə rəsmi məlumat təqdim etməyib", - XİN-dən qeyd ediblər.
İranın mətbuat orqanlarının məlumatına görə, saxlanılanlardan ikisi narkotik qaçaqmalçılığında təqsirləndirilir.