Azərbaycan, Bakı, 13 avqust /Trend /
Avqustun 12-də Türkmənistanda keçirilən Yemiş bayramında Türkmənistan hökumətinin dəvətilə iştirak edən Azərbaycanın Türkmənistandakı səfiri Vəhdət Sultan-zadə Turkmənistan Nazirlər Kabinetinin sədr müavini R.Seyitkulıyev ilə tərəfləri maraqlandıran məsələlər barədə fikir mübadiləsi aparıb.
Səfirlikdən Trend-ə verilən məlumata görə, Türkmənistanın hökumət üzvlərinin iştirak etdiyi həmin tədbirdə Azərbaycan diplomatı ilə Turkmənistan səlahiyyətlisi arasında Azərbaycan- Türkmənistan münasibətlərinin əsas sahələrindən olan nəqliyyat məsələləri ətrafında söhbət aparılıb.
Nəqliyyat arteriyalarının yenidən qurulmasını və şaxələndirilməsini həyata keçirən Turkmənistan tranzit ölkə olaraq bölgədə maraq dairəsində olan ölkələrdəndir.