Azərbaycan, Bakı, 25 sentyabr /Trend, müxbir M.Əliyev/
"Azərbaycan Respublikası Dağlıq Qarabağ Bölgəsinin Azərbaycanlı İcması" İctimai Birliyinin Əlaqələndirmə Şurasının sədri Orxan Əkbərov Ukraynada BMT-nin gənclər modeli ətrafında müzakirələrə qatılacaq.
İcmanın Əlaqələndirmə Şurasından çərşənbə axşamı Trend-ə verilən məlumata görə, "BMT-nin gənclər modeli" mövzusunda beynəlxalq forum sentyabrın 26-28-də Ukrayna Ali Radasının, Ümumukrayna Gənclər Assambleyasının və Ukrayna Azərbaycanlı Gənclər Birliyinin birgə təşəbbüsü və BMT-nin Ukrayna nümayəndəliyinin dəstəyi ilə keçiriləcək.
Dünyanın 15 ölkəsindən 150-ə yaxın gənclər təşkilatının nümayəndələrinin qatılacağı forumda Ukrayna Ali Radasının üzvləri və Ali Radanın bir neçə komitəsinin sədrləri iştirak edəcəklər.