Gürcüstan, Tbilisi, 27 sentyabr /Trend, müxbir N.Kirsxaliya/
GUAM-a üzv ölkələrin xarici işlər nazirlərinin görüşü zamanı siyasi münasibətlər, qurumlararası əməkdaşlıq, təşkilat çərçivəsində əməkdaşlığın aktual məsələləri nəzərdən keçirilib.
Trend-in Gürcüstan XİN-ə istinadən verdiyi məlumata görə, GUAM-a üzv ölkələrin Xarici İşlər Nazirlələri Şurasının 18-ci iclası sentyabrın 26-da BMT Baş Assambleyasının 67-ci sessiyası çərçivəsində keçirilib.
İclas iştirakçıları yekun protokol imzalayıblar.
Çərşənbə günü həmçinin GUAM-ABŞ əməkdaşlığı formatında görüş keçirilib. Görüşdə təşkilata üzv ölkələrin xarici işlər nazirləri ABŞ tərəfdaşları ilə birlikdə əməkdaşlığın gələcəkdə dərinləşməsi perspektivlərini nəzərdən keçiriblər və birgə bəyanat imzalayıblar.