...

Aİ Gürcüstandakı seçkilərdə opponentlərin konstruktiv bəyanatlarından razıdır

Siyasət Materials 2 Oktyabr 2012 16:37 (UTC +04:00)
Avropa İttifaqı (Aİ) Gürcüstanda parlament seçkilərinin yekununa dair siyasi opponentlərin konstruktiv bəyanatlarını alqışlayır.
Aİ Gürcüstandakı seçkilərdə opponentlərin konstruktiv bəyanatlarından razıdır

Azərbaycan, Bakı, 2 oktyabr /Trend/

Avropa İttifaqı (Aİ) Gürcüstanda parlament seçkilərinin yekununa dair siyasi opponentlərin konstruktiv bəyanatlarını alqışlayır. Trend-in RİA Novosti-yə istinadən verdiyi məlumata görə, bu barədə çərşənbə axşamı Aİ-nin diplomatik missiyasının rəhbəri Ketrin Eştonun nümayəndəsi Mayya Kosyançiç bəyan edib.

"Biz seçki məntəqələrinin bağlanmasından dərhal sonra məzmunlu və konstruktiv xarakterli bəyanatlarla çıxış etdiklərinə görə hər iki tərəfi təbrik edirik", - o, Brüsseldə jurnalistlərə deyib.

Kosyançiçin sözlərinə görə, Aİ Gürcüstanla sıx əməkdaşlığı davam etdirmək və bu ölkə ilə siyasi və iqtisadi yaxınlaşma yolu ilə getmək niyyətindədir.

Qeyd edək ki, oktyabrın 1-də Gürcüstanda 14 partiya və iki siyasi blokun iştirak etdiyi parlament seçkiləri keçirilib. Konstitusiyaya dəyişikliklər qüvvəyə mindikdən sonra parlament 2013-cü ildə daha geniş səlahiyyətlər əldə edəcək, dövlət başçısının hüquqları isə azaldılacaq.

Xəbər lenti

Xəbər lenti