Latviyanın keçmiş prezidenti: Bakı Beynəlxalq Humanitar Forumu bütün region üçün müsbət rol oynayacaq
Azərbaycan, Bakı, 4 oktyabr /Trend, müxbir M.Əliyev/
Bakıda keçirilən Beynəlxalq Humanitar Forum Azərbaycan və bütün region üçün müsbət rol oynayacaq. Bunu cümə axşamı Bakıda jurnalistlərə Latviyanın sabiq prezidenti Valdis Zatlers deyib.
"Dünyada bu qədər problemin olduğu bir vaxtda hökumətin, prezidentin, xalqın belə forumu keçirməklə bağlı təşəbbüs göstərdiyinə görə Azərbaycanla fəxr edirəm. Bu forum uzun tarixə malik olacaq, bu gün forumda müzakirə edilən mövzular heç vaxt öz aktuallığını itirməyəcək", - Zatlers qeyd edib.
