Bakı.Trend:
Yaponiyanın paytaxtı Tokioda müşahidələr tarixində ən uzunmüddətli yağışlar yağıb.
Bu barədə Yaponiyanın Milli Meteorologiya İdarəsinin mətbuat xidməti məlumat yayıb.
Yağıntılar paytaxtda avqustun 27-də başlayıb. Hazırda yağışlı hava 34 gündür davam edir ki, bu da 1886-cı ildən, yəni statistikanın aparılmağa başlandığı vaxtdan bəri ən uzunmüddətli yağış dövrüdür.
Sinoptiklər anomal yağıntıları sentyabr ayında Yaponiyanın yaxınlığından keçən bir sıra tayfunlarla əlaqələndirirlər. Ən dağıdıcı tayfunlardan biri 4 mindən çox sakini işıqsız qoyan “Ducuan” tayfunu olub.
