Azərbaycan, Bakı, 24 oktyabr /Trend, müxbir A.Tağıyeva/
Suriya BMT və Ərəb Dövlətləri Liqasının (ƏDL) Qurban bayramı günlərində (İd əl-Adha) atəşi dayandırmaq təklifini dəyərləndirir. Trend-in Suriya televiziyasına istinadən verdiyi məlumata görə, bu barədə çərşənbə günü ölkənin xarici işlər nazirinin rəsmi nümayəndəsi Cihad əl-Makdisi deyib.
Əl-Makdisinin sözlərinə görə, Dəməşq yekun cavabını oktyabrın 25-də verəcək.
Qeyd edək ki, bunadək BMT və Ərəb Dövlətləri Liqasının xüsusi nümayəndəsi Laxdar Brahimi Suriya hakimiyyətinin ölkədə Qurban bayramı günlərində atəşi dayandırmağa razılıq verdiyini bildirmişdi.