Azərbaycan, Bakı, 5 noyabr /Trend/
Azərbaycan deputatları Baltik Assambleyasının sessiyasında iştirak edəcəklər.
Milli Məclisin mətbuat xidmətindən Trend-ə verilən məlumata görə, parlamentin Təbii ehtiyatlar, energetika və ekologiya komitəsinin sədr müavini, GUAM PA-nın sədri Elton Məmmədov və deputat Əli Məsimli Baltik Assambleyasının 31-ci sessiyasında iştirak etmək üçün noyabrın 7-dən 10-dək Litvada səfərdə olacaqlar.
Vilnüs şəhərində keçiriləcək toplantıda Şimal və Baltik dövlətlərinin maliyyə bazarlarında əməkdaşlıq mexanizmləri, xarici iqtisadi siyasətin və investisiya layihələrinin inkişafı və digər cari məsələlər müzakirə ediləcək.