Səudiyyə Ərəbistanı, Ciddə, 11 dekabr /Trend, xüsusi müxbir R.Hafizoğlu/
İslam Əməkdaşlıq Təşkilatı (İƏT) Suriya böhranının həllində xarici müdaxilənin əleyhinədir. Bu barədə İƏT-in baş katibi Ekmələddin İhsanoğlu Trend-ə müsahibəsində bildirib.
"Suriya böhranının həllində xarici müdaxilə Suriyanın xeyrinə olmayacaq", - İhsanoğlu deyib.
Onun sözlərinə görə, qan tökülməsinin dayandırılması və siyasi həll yolunun tapılması üçün tərəflər dərhal dialoqa başlamalıdır.
İhsanoğlu danışıqlara başlamaq üçün münaqişə tərəflərinə təzyiq göstərilməsinin vacibliyinə inanır.
O, həmçinin əlavə edib ki, bu məsələ Mərakeşdə "Suriyanın dostları" konfransının gündəliyinə daxil ediləcək.
