Azərbaycan, Bakı, 15 yanvar /Trend/
Azərbaycanın müxalif Müasir Müsavat Partiyası (MMP) prezident seçkilərində iştirak etmək barədə qərar qəbul edib.
Partiyanın mətbuat xidmətindən Trend-ə verilən məlumata görə, bu gün partiyanın İdarə Heyətinin növbəti toplantısı keçirilib.
İclasda MMP-nin 2013-cü il prezident seçkisində namizədinin partiya sədri Hafiz Hacıyev olması barədə qərar qəbul edilib.
Qeyd edək ki, Azərbaycanda prezident seçkilərinin 2013-cü ilin payız aylarında keçirilməsi nəzərdə tutulur.