Azərbaycan, Bakı, 27 aprel /Trend/
ABŞ Hərbi Hava Qüvvələrinin komandanı Maykl Donli bu vəzifədə beş il xidmət etdikdən sonra istefa verir. Bu barədə Trend İTAR-TASS agentliyinə istinadən məlumat verir.
"Onun rəhbərlik etdiyi vaxt Hərbi Hava Qüvvələri üçün çətin dövr olub. Lakin o, xidmətdə məsuliyyəti, təşəbbüskarlığın və peşəkarlığı aşılamağa kömək edib", - ABŞ müdafiə naziri Çak Heygel vurğulayıb.
İyunun 21-i 60 yaşlı Donli üçün son iş günü olacaq.