Azərbaycan, Bakı, 24 iyul /Trend/
Ağ Evin sözçüsü Cey Karney mətbuat konfransında bildirib ki, Əsəd bəzi qüvvələrin dəstəyilə xalqa qarşı şiddətini davam etdirir. Trend-in "Anadolu" agentliyinə istinadən verdiyi məlumata görə, Karney Əsədin Suriyanı təkrar idarə edə bilməyəcəyini də deyib.
"ABŞ müttəfiqlərinin dəstəyilə Suriya müxalifətinə kömək etməlidir ki, Əsədə qarşı dura bilsin" - deyə o bildirib.
Karney Suriya müxalifətinə edilən yardımların detallarına toxunmayacağını da diqqətə çatdırıb.
O, söyləyib ki, Suriya xalqı ölkənin gələcəkdə Əsəd tərəfindən idarə olunmasına imkan verməyəcək və ABŞ da buna razı ola bilməz.