Azərbaycan, Bakı, 14 avqust /Trend, müxbir A. Tağıyeva/
Misirin bütün siyasi gücləri yeni konstitusiyasının, hökumətin, o cümlədən ölkənin digər siyasi idarələrinin formalaşmasında iştirak edəcəklər. Trend-in məlumatına görə, bu barədə çərşənbə günü Misirin Azərbaycandakı səfiri Heysam Cəlal mətbuat konfransında açıqlamasında bildirib.
Səfirin sözlərinə görə, keçid hökumətinin prioriteti Misiri demokratik inkişaf yoluna qaytarmıqdır.
Cəlal bildirib: "Prezident Ədli Mənsurun hakimiyyəti doqquz ay ərzində tam demokratik sistemə keçməyi hədəfləyib. Üç-dörd ay ərzində konstitusiyanın tərtib olunması, dörd-beş ay ərzində isə parlament seçkilərinin keçirilməsi üzərində işlər yekunlaşacaq".
Prezident seçkilərinə gəldikdə isə səfir bildirib ki, Misirin keçid hökuməti onu hakimiyyətə gəlmələrindən altı-səkkiz ay sonra keçirmək niyyətindədir.
Qeyd edək ki, cari ilin iyul ayında Misir hərbçiləri Konstitusiyanın fəaliyyətini dayandırıb, Prezident Məhəmməd Mursini hakimiyyətdən uzaqlaşdırıblar. Onlar ölkədə növbədənkənar prezidenti seçkilərinin keçiriləcəyinə söz veriblər.