...

Kəmaləddin Heydərov Qazaxıstanın Azərbaycandakı yeni səfiri ilə görüşüb

Siyasət Materials 26 Avqust 2013 12:25
Fövqəladə Hallar Nazirliyində (FHN) Qazaxıstanın Azərbaycandakı fövqəladə və səlahiyyətli səfiri ilə görüş olub.
Kəmaləddin Heydərov Qazaxıstanın Azərbaycandakı yeni səfiri ilə görüşüb

Trend-i buradan izləyin

Azərbaycan, Bakı, 26 avqust /Trend, müxbir İ.İzzət/

Fövqəladə Hallar Nazirliyində (FHN) Qazaxıstanın Azərbaycandakı fövqəladə və səlahiyyətli səfiri ilə görüş olub.

Trend FHN-nin rəsmi saytına istinadən xəbər verir ki, Azərbaycan Respublikasının fövqəladə hallar naziri general-polkovnik Kəmaləddin Heydərov Qazaxıstan Respublikasının Azərbaycan Respublikasına yeni təyin olunmuş fövqəladə və səlahiyyətli səfiri cənab Amangeldi Jumabayev ilə görüşüb.

Nazir ilk növbədə, cənab Jumabayevə Azərbaycanda diplomatik fəaliyyətə başlanması münasibəti ilə təbrik edib və ona gələcək fəaliyyətində uğurlar arzulayıb. Görüş zamanı nazir qonağa respublikada fövqəladə halların qarşısının alınması və nəticələrinin aradan qaldırılması sahəsində görülən işlər, nazirliyin strukturuna daxil olan qurumların fəaliyyəti barədə ətraflı məlumat verib. Nazir həmçinin, hər iki ölkənin Fövqəladə Hallar Nazirlikləri arasında mövcud əməkdaşlıq əlaqələrindən razılığını ifadə edib.

Səfir də öz növbəsində, səmimi qəbula görə təşəkkürünü bildirib və gələcəkdə ölkələrimizin müvafiq qurumları arasında əməkdaşlığın daha da dərinləşməsi üçün birgə səylərin davam etdiriləcəyinə əminliyini qeyd edib.

Məqalədə:
Xəbər lenti

Xəbər lenti