...

Azərbaycan BMT və İƏT arasında yüksək səviyyəli görüş təşkil edəcək

Siyasət Materials 30 Sentyabr 2013 19:32 (UTC +04:00)
Azərbaycanın BMT Təhlükəsizlik Şurasında (TŞ) sədrliyinin prioriteti dünyada ədalətin qorunmasıdır.
Azərbaycan BMT və İƏT arasında yüksək səviyyəli görüş təşkil edəcək

Azərbaycan, Bakı, 30 sentyabr /Trend, müxbir S.Ağayeva/

Azərbaycanın BMT Təhlükəsizlik Şurasında (TŞ) sədrliyinin prioriteti dünyada ədalətin qorunmasıdır. Trend-in məlumatına görə, bu barədə bazar ertəsi brifinqdə Azərbaycan Xarici İşlər Nazirliyinin (XİN) mətbuat katibi Elman Abdullayev deyib.

Azərbaycan oktyabrın 1-dən BMT TŞ-də sədrlik edəcək.

Onun sözlərinə görə, belə nüfuzlu strukturda sədrlik ölkə qarşısında böyük tapşırıqlar və məsuliyyət qoyur: "Azərbaycan BMT TŞ-də sədrliyi vəzifəsində ölkə qarşısına qoyulmuş bütün tapşırıqları layiqincə yerinə yetirmək üçün hər cür səy göstərəcək".

XİN rəsmisi qeyd edib ki, BMT və İslam Əməkdaşlıq Təşkilatı (İƏT) arasında əməkdaşlığı inkişaf etdirmək üçün Azərbaycan yüksək səviyyədə görüş təşkil etmək niyyətindədir: "Hazırda Azərbaycan dünyada tolerantlığın mərkəzlərindən biridir. Sivilizasiyalararası dialoqda vacib rol oynayan Azərbaycan körpü rolunu icra edir və beynəlxalq ictimaiyyət tərəfindən tolreant ölkə kimi tanınıb".

E.Abdullayev deyib ki, Azərbaycanın bu təşəbbüsünə BMT TŞ-də müsbət baxırlar: "Azərbaycanın Afrika, Latın Amerikası və Asiya ölkələrində humanitar fəaliyyəti beynəlxalq ictimaiyyət tərəfindən yüksək qiymətləndirilir. Azərbaycanın dəstəyi bu regionlardakı ölkələrin inkişafı və möhkəmlənməsinə yönəlib".

Məqalədə:
Xəbər lenti

Xəbər lenti