Prezident İlham Əliyev - Milli mətbuatımızın böyük hamisi, qayğıkeşi və dostu

Prezident İlham Əliyev - Milli mətbuatımızın böyük hamisi, qayğıkeşi və dostu

Hikmət Babaoğlu - "Yeni Azərbaycan" qəzetinin baş redaktoru

Azərbaycan mətbuatının inkişaf tarixi uzun və mürəkkəb yol keçib. Ümumiyyətlə, mətbuatın özünün ictimai institut kimi formalaşması tarixi o qədər qədim olmasa da, sevindirici haldır ki, Azərbaycanın mətbuat tarixi Orta Asiya və Şərqi Avropa ölkələri sırasında birincilərdəndir.

Mətbuat, ilk növbədə, intellektual sfera olduğu üçün, heç şübhəsiz ki, onun formalaşmasını təmin edəcək intellektlərin, ziyalıların, qələm sahiblərinin, yazarların olması, bunun üçünsə, əlbəttə ki, cəmiyyətin bu cür insanları yetişdirməsi vacibdir. Əgər hər hansı bir sosium bu işin öhdəsindən tarixi missiya olaraq vaxtında gəlmirsə, o ölkələrin mətbuatının inkişafı da, tarixi də bir qədər daha sonrakı dövrlərə təsadüf edir. Ancaq heç şübhəsiz ki, gec və ya tez olmasından asılı olmayaraq, hər bir millətin milli mətbuatı onun inkişaf tarixində təkanverici bir mərhələdir. Çünki mətbuat milli kimliyi formalaşdıran vasitə olmaqla bərabər, eyni zamanda, milli maarifləndirməni həyata keçirir, milli mentalitetin formalaşmasında aparıcı komponentlərdən biri kimi iştirak edir. Bu mənada, Azərbaycan mətbuatının tarixinin məhz 1875-ci ildən başlanması onun göstəricisidir ki, Azərbaycan xalqı hələ o dövrdə mətbuat nümunələrini ortaya qoya biləcək ziyalıları yetişdirmək iqtidarında olan intellektual gücə və potensiala sahib bir xalq, Azərbaycan cəmiyyəti isə hələ o dövrdə kifayət qədər intellektual əsaslarda formalaşan bir sosium idi.

Jurnalistikamıza verilən ədalətli və obyektiv qiymət

22 iyul 2013-cü il tarixində Azərbaycan mətbuat tarixində əlamətdar bir hadisə gerçəkləşdi. Milli Mətbuat Günündə Azərbaycanda fəaliyyət göstərən böyük jurnalist ordusundan 156 nəfərə mənzil verildi. Bu, 138 illik Azərbaycan mətbuatında heç vaxt olmayan hadisədir. Ümumiyyətlə, əgər hadisənin miqyasını bir qədər də dərinləşdirsək, dünya mətbuatı tarixində də rast gəlinməyən bir hadisədir. Bu gün qətiyyətlə deyə bilərik ki, heç bir ölkədə bu vaxta kimi heç bir dövlət başçısı tərəfindən mənzil tikilib təmir etdirilərək jurnalistlərə paylanmayıb. Jurnalistlər bunu, ilk növbədə, Azərbaycan dövlətinin və hakimiyyətinin Azərbaycan Milli Mətbuatına dəstəyi və qayğısı kimi qiymətləndirməlidirlər. Və bu Azərbaycan Respublikasının Prezidenti cənab İlham Əliyevin-jurnalistlərin böyük dostunun ölkə jurnalistikasına hədiyyəsidir.

Jurnalistika və mətbuat çox böyük imkanlara sahib olan ciddi bir ictimai institutdur. O, günümüzdə çox müxtəlif funksiyaları özündə ehtiva edir. Nəzərə alsaq ki, son dövrlərdə informasiya-kommunikasiya texnologiyalarının inkişafı fonunda jurnalistikanın əhəmiyyəti bir qədər də artıb, o zaman Azərbaycan ictimai fikrində, canlı orqanizm olan Milli Mətbuatın necə böyük rol oynadığını görmüş olarıq. Ona görə də, Azərbaycan Respublikasının Prezidenti cənab İlham Əliyev elə giriş nitqindəcə qeyd etdi ki, jurnalistlərin peşəsi çox ağırdır və məsuliyyətlidir. Hesab edirik ki, bu, Azərbaycan jurnalistlərinə və bütövlükdə jurnalist peşəsinə verilən ən doğru, ən obyektiv, ən ədalətli qiymətlərdən biridir. Çünki jurnalistlər həyatı boyunca intellektual əməklə məşğul olan bir zümrədir. Və iş prosesində onların zehni əməkləri daima istismar olunur. Buna görə də, müəyyən bir yaş həddindən sonra jurnalistin jurnalist kimi fəaliyyət göstərməsi bir qədər çətinləşir. Amma bununla bərabər, bu çətin və eyni zamanda, şərəfli peşənin sahibləri cəmiyyət, millət, daha geniş mənada isə dövlət üçün çox ciddi işlər görmüş olurlar. Əgər onlar doğrudan da, jurnalistikanın əxlaq kodeksinə və peşə etikasına riayət edirlərsə və yaradıcılıqları boyunca milli-mənəvi dəyərləri unutmurlarsa bu onların ciddi bir vətəndaş kimi cəmiyyətə təsir etmək imkanlarını artırır. Hesab edirik ki, Azərbaycan Respublikasının Prezidenti bu ağır əməyi yüksək qiymətləndirdiyi üçün belə bir qətiyyətli addım atdı.

Hakimiyyət-mətbuat münasibətlərinin orijinal nümunəsi

Qeyd etdik ki, jurnalistikanın əsas funksiyalarından biri də təşkilatlandırmaq, inteqrasiya etdirmək, səfərbər etmək, milli maraqları qorumaqdır. Amma jurnalistikanın əsas funksiyası heç şübhəsiz ki, cəmiyyətdə fikir plüralizmini təmin etmək, azad sözə dəyər verməkdir. Ayrı-ayrı fikirlərə, dünya görüşünə sahib olan insanların, vətəndaşların öz fikirlərini, düşüncələrini geniş ictimaiyyətə çatdırmaq demokratik cəmiyyətin formalaşmasına yardım etmək və alternativ fikirlərlə cəmiyyəti tanış etməkdir. Azərbaycanda da söz və mətbuat azadlığı təmin edildiyi üçün Azərbaycan Respublikasının Prezidenti jurnalistlərlə 22 iyul 2013-cü il tarixində keçirilən görüşdə diqqəti məhz bu məsələnin üzərinə yönəltmişdir. Cənab Prezident qeyd etdi ki, mənzil alan jurnalistlər arasında müxtəlif mətbu orqanların əməkdaşları, müxtəlif siyasi baxışlara sahib olan insanlar var. Bu isə olduqca təbiidir. Və bu bölgünün özü onu göstərir ki, Azərbaycanda heç bir sahədə ayrı-seçkiliyə yol verilmir. Bu fikir bugünkü Azərbaycan reallığını və dövlət-mətbuat münasibətlərinin hansı səviyyədə olduğunu göstərir. Təşəkkül tapmış söz və mətbuat azadlığı Konstitusion əsaslara və siyasi iradəyə söykənir. Hər nə qədər müxtəlif fikirlər səslənsə belə, ortada bir həqiqət var: bu gün Azərbaycandakı siyasi hakimiyyət özünü məhz söz azadlığının, demokratik hüquqların bərqərar olunması yönündə qətiyyətli addımlar atmaqla cəmiyyətdəki azadlığın və demokratik inkişafın qarantı kimi görür. Ona görə də, Azərbaycanda hər bir jurnalist öz fikirlərini açıq və sərbəst şəkildə bildirir və müxtəlif siyasi təmayüllü mətbu nümunələri formalaşdırıb inkişaf etdirir. Əgər biz Azərbaycan mətbuatının son 10 ildəki inkişaf tarixinə nəzər salsaq görərik ki, dövlət Milli Mətbuatın inkişafı üçün əlindən gələni edib. Nəzərə alsaq ki, Azərbaycanda Milli Mətbuatın maliyyə əsasları bir qədər zəif və kövrək təməllər üzərində qurulub, o zaman 2008-ci ildə qəbul edilən "KİV-in inkişafına dövlət dəstəyi konsepsiyası"nın nə qədər əhəmiyyətli olduğunu görərik. Və eyni zamanda, biz onu da qeyd edə bilərik ki, 2009-cu ildən başlayaraq, siyasi təmayülündən, mövqeyindən, tənqidçi, təqdirçi və yaxud orta mövqedə olan hansı növ milli mətbuatı təmsil etməsindən asılı olmayaraq, gündəlik çıxan bütün qəzetlərə eyni məbləğdə yardım edilib. Bu isə əlbəttə ki, Azərbaycan hakimiyyətinin siyasi iradəsinə söykənərək baş verib.

Azad internet sosial medianın inkişafını şərtləndirir

Prezident İlham Əliyev sözügedən görüşdə qeyd etmişdir ki, Azərbaycanda söz azadlığı tam şəkildə təmin edilib. Bununla bərabər, bu gün "sosial media" və ya "internet mediası" deyilən yeni bir jurnalistika forması meydana çıxmaqdadır. Əlbəttə, bu, dünyanın istənilən ölkəsində qəbul edilən reallığa çevrilib. Hər nə qədər bəziləri tərəfindən bu media qurumları qəbul edilməsə də, dünyada qəbul edilən məqam ondan ibarətdir ki, bu gün belə bir ictimai kommunikasiya vasitəsi, cəmiyyətin bütün üzvlərinin rahatlıqla bir-biri ilə ünsiyyət qura bildiyi bir platforma var və bu bir gerçəklikdir. Ona görə də, məhz Öz çıxışında cənab Prezident İlham Əliyev bu məsələyə də toxunaraq bildirmişdir ki, Azərbaycanda internet sözün əsl mənasında azaddır. Bu fikirdən biz belə bir nəticəyə gəlirik ki, cənab Prezident interneti də söz və mətbuat azadlığını təmin edən vasitələrdən və modellərdən biri kimi görür. Bu baxımdan hər zaman Azərbaycanda internetin azad və sərbəst olması diqqət mərkəzində saxlanılır. Yeni yaranan bu sferaya Azərbaycan dövlətinin diqqəti sonsuzdur.

Milli mətbuatımızın inkişafı yüksək qiymətləndirilmişdir

Bundan başqa, cənab Prezident bir daha ölkəmizdə jurnalistika - cəmiyyət, Milli Mətbuat-dövlət münasibətlərini xarakterizə edərkən bildirmişdir ki, ölkəmizdə demokratik cəmiyyətin formalaşmasında jurnalistikanın çox böyük rolu vardır və bu rolu Mən çox yüksək qiymətləndirirəm. Bu indiki mərhələdə Azərbaycan Respublikasının Prezidentinin mətbuatımıza verdiyi qiymət idi və hesab edirəm ki, bu yüksək qiymət Azərbaycan mətbuatının nümayəndələrinin üzərinə həm böyük məsuliyyət, həm də ciddi vəzifələr qoyur. Əslində, jurnalistikanın cəmiyyətdə oynadığı rolla bağlı cənab Prezident ətraflı fikirlər səsləndirmiş və qeyd etmişdir ki, müstəqil Azərbaycan dövləti sözün əsl mənasında hərtərəfli inkişaf edir və ictimai proseslərin müsbət istiqamətdə getməsi, heç şübhəsiz, bizim gücümüzü artırır. Bu fikirlər indiki mərhələdə Azərbaycanda ictimai ahəngdarlığın təmin olunmasında, Azərbaycanda siyasi proseslərin düzgün istiqamətdə getməsində, siyasi sistemin formalaşmasında jurnalistikanın rolunun nə qədər yüksək olduğunu bildirən bir məqamdır. Amma bununla bərabər Azərbaycan mətbuatında bəzi hallarda tənqidçi, bəzi hallarda isə təhqirçi və şantajedici materiallara da rast gəlmək mümkündür. Cənab Prezidentin çıxışında da bu məqamlar öz əksini tapmışdır. Bütövlükdə, Azərbaycan mətbuatının indiki vəziyyətini yüksək qiymətləndirən cənab Prezident bu məsələlərə də diqqət yetirmişdir.

Jurnalistlər vətənpərvər olmalıdırlar

Əslində, Prezident İlham Əliyevin jurnalistlərin qarşısındakı çıxışı XXI əsr Azərbaycan jurnalistikasının konseptual əsaslarını, yeni istiqamətlər və prinsipləri özündə əks etdirdiyini desək, yanılmarıq. Burada bir məqamı qeyd etmək istərdim ki, cənab Prezident iki məsələnin üstündə xüsusi olaraq dayanmışdır. Bunlardan biri jurnalistlərin obyektiv olması, vətəndaşlıq, öhdəçilik vəzifələrini unutmaması, ikincisi isə dövlətinə və dövlətçilik prinsiplərinə sədaqətlə yanaşaraq Vətənin və millətin maraqlarını ifadə etmələri ilə bağlı idi.
Azad mətbuat, həm də, məsuliyyətli mətbuat kimi qavranılmalıdır.
Cənab Prezident bir məqamı da xüsusi ilə vurğulamışdır ki, mətbuat azad olanda jurnalistlərin sözə qarşı məsuliyyəti ön plana çıxır. Hesab edirik ki, bu çağırış, bu tezis Azərbaycan milli mətbuatının bugünkü inkişaf mərhələsi ilə sözün əsl mənasında səsləşir və onun inkişaf tempinə bir növ işıq tutur. Əslində, vətənpərvərlik mövzusu bu və ya digər platformada, hər zaman aktual olmuşdur. Biz bilirik ki, vətənpərvərlik milli-mənəvi dəyərlər kateqoriyasına aid olmaqla, ölkədə həm ictimai münasibətləri, həm siyasi münasibətləri, həm də müharibə şəraitində olan dövlətdə hərbi-psixoloji münasibətləri tənzimləyən əsas vasitələrdən biridir. Ona görə də, cənab Prezident Öz çıxışında jurnalistlərin vətənpərvərliyi məsələsini ön plana çəkmişdir - Azərbaycan hazırda müharibə şəraitində yaşayır. Qloballaşan dünyada hər bir ölkə bu gün rəqabət şəraitində yaşayır. Bu gün dünyada gedən proseslər millətlərin, xalqların rəqabətinin fonunda baş verir. Beynəlxalq münasibətlərdə yeni keyfiyyət dəyişiklikləri yaşanır. Bu keşməkeşli dövrdə, qloballaşan dünyada, internet resurslarının, digər sosial media təsisatlarının istər ölkədaxili, istərsə də ölkədən kənarda baş verənlərə, ölkədəki ictimai rəyə ciddi mənada təsir etdiyi bu zamanda hər bir jurnalistin boynuna çox ciddi vəzifələr düşür. Çünki yazılan, deyilən hər bir söz həm Azərbaycanın ümumi mənafeyinin xeyrinə ola bilər, həm də ziyanımıza olub bizə qarşı silah kimi də istifadə oluna bilər. Hesab edirik ki, cənab Prezidentin "jurnalist vətənpərvərliyi" məfhumu altında qeyd etdiyi fikirlərin məzmunu da məhz bundan ibarət idi.
Prezident qeyd etmişdir ki, jurnalistlərin vətənpərvər olmaları çox vacib bir məsələdir və bundan dərhal sonra sözü Ermənistan-Azərbaycan, Dağlıq Qarabağ münaqişəsinin üzərinə gətirmişdir. Cənab Prezident Azərbaycanın media nümayəndələrinə çağırış edərək bildirmişdir ki, Ermənistan-Azərbaycan, Dağlıq Qarabağ münaqişəsinin xarici mətbuatda işıqlandırılması üçün daha da böyük işlər görülməlidir.
Biz bilirik ki, Azərbaycanda 2007-ci ildən başlayan hücum diplomatiyası sayəsində Azərbaycan həqiqətlərinin dünyaya çatdırılmasında çox ciddi və mühüm işlər görülüb. Bu gün artıq dünya ictimai rəyində Azərbaycan həqiqətləri oturuşmağa başlayıb. Təsadüfi deyil ki, artıq dünyanın bir çox ölkələrində Azərbaycanla bağlı həqiqətlər qəbul olunub. Xocalı soyqırımına diqqət çəkən cənab Prezident qeyd etmişdir ki, bu həqiqətlərin dünya mediasında işıqlandırılması olduqca vacibdir. Cənab Prezidentin jurnalistlər qarşısındakı çıxışında da bu çağırış var idi. Daxili informasiya bazarında baş verən bəzi neqativ hallara da toxunan cənab Prezident, eyni zamanda, Azərbaycan mediasının inkişaf tendensiyasının ciddi və rasional istiqamətdə getdiyini jurnalistlərin diqqətinə çatdırmışdır.
Bəllidir ki, zaman-zaman xarici mətbuatda Azərbaycan haqqında müxtəlif qərəzli, böhtan dolu, yalan informasiyalar dərc olunur və bu bizim xaricdəki imicimizə mənfi təsir edir. Bəzən isə Azərbaycan mətbuatında elə materiallar yer alır ki, onlar xarici mətbuatda sadəcə tərcümə olunaraq dərc edilir. Məhz bu cür məsələlərin yolverilməz olduğunu bildirən cənab Prezident qeyd etmişdir ki, tənqid etmək olar, lakin Azərbaycan dövlətçiliyinin, Azərbaycanın milli mənafeyinin əleyhinə olan yazıları yazmaq yolverilməzdir. Azərbaycan Respublikasının Prezidenti çıxışı zamanı mətbuat nümayəndələrinin diqqətini bu məqama da yönəltmişdir.

Sosial mediaya ayrıca vurğu

Sözügedən çıxışında internet mediasının da önəmini vurğulayan cənab Prezident bildirmişdir ki, bu gün dünyada internet mediası çox böyük önəmə sahibdir. Bu gün bizim əlimizdə internet resursları var və biz bundan yetərincə ciddi bir şəkildə istifadə etməliyik. Söylənilən bu fikir Azərbaycandakı internet istifadəçilərini daha da cəsarətləndirdi ki, Azərbaycanda əsla və əsla internet məhdudiyyəti olmayacaq. Amma eyni zamanda, üzərimizə vəzifə qoyuldu ki, internet mediasında olan Milli Mətbuatımızın nümayəndələri məsuliyyətli olmalıdırlar. Yəni, bu universal vasitədən milli maraqlarımız naminə istifadə etməlidirlər.

Jurnalist peşəsinə verilən yüksək qiymət mətbuata intellektualların axınını təmin etməklə yeni keyfiyyət dəyişikliyi yaradır

Cənab Prezident ölkənin mətbuat nümayəndələrinə bildirmişdir ki, jurnalistlər üçün tikilən binada mənzillə təmin olunmayan, amma buna layiq olan jurnalistlərin mənzillə təmin olunması üçün əlavə tədbirlər görüləcək. Bu yerə gələcəkdə "jurnalistlər şəhərciyi" deyiləcək. Bu da o deməkdir ki, cənab Prezident hesab edir ki, bu gün Azərbaycanda mənzil almağa layiq olan xeyli sayda jurnalist var və hesab edirik ki, bu cür qiymətləndirmə Azərbaycan jurnalistlərinə verilən bir avansdır. Çünki dünyanın heç bir yerində heç bir peşə sahibinə belə mənzil verilmir. Bu, eyni zamanda, jurnalist peşəsinin cəmiyyətdəki ictimai nüfuzunun artırılmasına yönəlmiş bir addımdır. Jurnalist peşəsinin nə qədər ciddi nüfuza sahib olduğunu elə cənab Prezident bu addımla bir daha təsdiqləmiş oldu. Bu diqqət və qayğının nəticəsində yeni intellektual, təfəkkürlü gənclik Azərbaycan jurnalistikasına üz tutacaq. Biz bu gün qəti əminliklə deyə bilərik ki, sosial təminat baxımından jurnalistika ölkəmizin ən perspektivli sahələrindən biridir. Növbəti mənzilin özülünün atılması ilə cənab Prezident bu prosesin bundan sonra da davam etdiriləcəyinə toxunmuş və qeyd etmişdir ki, buraya gələcəkdə "jurnalistlər şəhərciyi" deyəcəklər. Bu isə o deməkdir ki, həmin ərazidə bundan sonra da belə binalar tikiləcəkdir.

Zərdabiçilərin arzularının təntənəsi

22 iyul 2013-cü il tarixi Azərbaycan mətbuatının banisi Həsən bəy Zərdabinin arzularının çin olduğu, ruhunun şad olduğu bir gündür. Çünki Azərbaycan mətbuatı fəaliyyət göstərdiyi 138 illik tarixi boyunca heç bir zaman bu qədər azad və müstəqil olmayıb. Söz və mətbuat azadlığı heç bir zaman bu qədər dövlət tərəfindən dəstəklənməyib və himayə edilməyib. Bu da onun göstəricisidir ki, Azərbaycan Respublikasının Prezidenti ölkəmizdə sivil, demokratik, hüquqi cəmiyyətin bərqərar olmasında maraqlıdır, siyasi iradə olaraq alternativ fikrə dözümlüdür. Fərqli düşüncəli mətbuatı qəbul edir, amma haqlı olaraq neqativ tendensiyaların doğru olmadığı fikrini də irəli sürür.
Bu hadisə Azərbaycan mətbuat tarixinə qızıl hərflərlə yazıldı. Eyni zamanda, bu hadisə jurnalistikamızın və Milli Mətbuatımızın inkişafını stimullaşdırdı. Bu məsuliyyətli dövrdə, ziddiyyətli məqamların olduğu, bəzi anti-azərbaycançı qüvvələrin ölkəmizə qarşı aqressiv fəaliyyət göstərdiyi bir zamanda Milli Mətbuatımız milli maraqlarımızı, dövlətçiliyin əsaslarını, dövlət maraqlarını qorumaq üçün əlindən gələni etməlidir. Və əminəm ki, Milli Mətbuatımız Prezident İlham Əliyevin bu çıxışını mətbuatımızın XXI əsrdəki fəaliyyətinin əsas konsepsiyası kimi görəcək və öz fəaliyyətlərində bu istiqamətləri rəhbər tutacaqlar.

Prezident İlham Əliyevin mətbuatın inkişafına göstərdiyi qayğıya Azərbaycan mətbuatının adekvat münasibəti

Bu günlərdə "Ruh" Azərbaycan Jurnalistləri Müdafiə Komitəsinin keçirdiyi sorğu əsasında Azərbaycan Respublikasının Prezidenti cənab İlham Əliyev "Jurnalistlərin dostu" seçilib. Hesab edirik ki, bu, Prezident İlham Əliyevin ölkə başçısı kimi Azərbaycan mətbu icmasına, çap mediasına, eyni zamanda, elektron mediaya göstərdiyi diqqət və qayğının adekvat münasibətinin nəticəsi olaraq meydana çıxmışdır.
Qeyd etdiyimiz kimi, Azərbaycan Respublikasının Prezidenti mətbuata daim diqqət və qayğı göstərib, onun inkişafı üçün əlindən gələni edib. Hər bir ölkənin mətbuatı həmin xalqın ictimai institutları içərisində lokomotiv institut kimi səciyyələndirilir. Çünki mətbuat yol göstərir, təhlil edir, izah edir, maarifləndirir, səfərbər edir, ictimai ahəngdarlığı, harmoniyanı təmin edir. Eyni zamanda, indiki mərhələdə mətbuat milli maraqların qoruyucusu funksiyasına da xidmət göstərə bilir, ictimai rəyin düzgün əsaslarda formalaşmasında iştirak edir. Nəticə etibarilə nəzərə alsaq ki, bütün bunlar geniş bir auditoriyada yeni keyfiyyət dəyişikliklərinin baş verməsinə gətirib çıxarır, o zaman mətbuatın nə qədər əhəmiyyətli bir faktor olduğunu görə bilərik. Məhz mətbuatın bu keyfiyyətlərini nəzərə alan cənab Prezident daim Azərbaycan mətbuatına qayğı göstərir. O, Azərbaycan mətbuatının böyük hamisi, qayğıkeşi və dostudur. Azərbaycan mətbuatı fəxr edir ki, onun belə bir dostu var.
Prezident İlham Əliyev "Azərbaycan 2020: Gələcəyə baxış" İnkişaf Konsepsiyasında da yeni gəncliyin, kreativ əsaslarda formalaşmış yeni cəmiyyətin müəyyənləşməsini qarşıya hədəf kimi qoyub. Hesab edirik ki, məhz bu hədəfə çatmaqda ölkəmizin müxtəlif funksional vahidləri ilə bərabər, ictimai institut kimi medianın da üzərinə böyük vəzifələr düşür. Milli Mətbuatımız bu gün bütün xidmətlərinə, Azərbaycan mətbuatına göstərdiyi diqqətə və qayğıya görə Prezident İlham Əliyevi özünə dost seçib. Bu, mətbuatımız üçün böyük şərəfdir, eyni zamanda, əlbəttə ki, həm də məsuliyyətdir. Çünki mətbuat bəzi mərkəzlər tərəfindən "dördüncü hakimiyyət" kimi səciyyələndirilir. Bu gün görürük ki, Azərbaycanda real siyasi hakimiyyətlə ictimai hakimiyyət kimi səciyyələndirə biləcəyimiz media arasında bir harmoniya var. Bu iki hakimiyyət bir-birini tamamlayan vahid orqanizmdir. Nəticə etibarilə, əlbəttə ki, bunlar Azərbaycan xalqının və dövlətinin maraqlarının təmin olunmasına xidmət edir. Hesab edirik ki, mətbuatın dostu olmaq Azərbaycan Prezidenti İlham Əliyevin haqqı idi və Azərbaycan jurnalistləri də ədalətli mövqe nümayiş etdirərək 2013-cü ildə yenidən Prezident İlham Əliyevi özlərinə dost seçdilər.

İranda son sutkada 73 nəfər koronavirusdan ölüb
İranda son sutkada 73 nəfər koronavirusdan ölüb
Bayden İraqın baş naziri ilə beynəlxalq koalisiyaya raket hücumlarını müzakirə edib
Bayden İraqın baş naziri ilə beynəlxalq koalisiyaya raket hücumlarını müzakirə edib
Braziliyada ötən sutka koronavirusdan 1 386 nəfər ölüb
Braziliyada ötən sutka koronavirusdan 1 386 nəfər ölüb
Loading Bars
Xəbər lenti
Kolumbiya mətbuatında erməni təcavüzü, Xocalı soyqırımı və bu faciələrin fonunda Azərbaycanın keçdiyi inkişaf yolu haqda məqalə işıq üzü görüb
ABŞ Dövlət Departamentində müxtəliflik və inklyuzivlik məsələləri üzrə direktor vəzifəsi yaradılıb
İndoneziyada torpaq sürüşməsi nəticəsində beş nəfər ölüb, onlarla insan itkin düşüb
Conson ÜTT rəhbərini G7 zirvəsinə dəvət edib
ABŞ-da fövqəladə vəziyyət rejiminin vaxtı uzadılır
Çempionlar Liqası: "Mançester Siti" "Borussiya"nı, "Real" "Atalanta"nı məğlub etdi
ÜST: Dünyada ötən sutka koronavirusa 326 mindən çox yoluxma qeydə alınıb
Venesuela XİN İspaniya, Hollandiya, Fransa və Almaniyaya nota verib
Türkiyədə son sutkada koronavirusdan 5 297 nəfər sağalıb
Qarabağın ekoloji faktorları imkan verəcək ki, uzunömürlülərin sayı çoxalsın - Direktor
La Sapienza Roma Universitetinin məzunu Mingəçevir Dövlət Universitetində fəaliyyətə başlayıb (FOTO)
London şəhərində Xocalı həqiqətlərini əks etdirən məlumatlandırma aksiyası təşkil edilib (FOTO)
Bakıda qarın təmizlənməsi davam edir - BŞİH (FOTO/VİDEO)
Nazirlikdən hava ilə bağlı XƏBƏRDARLIQ
ABŞ-ın Finiks şəhərində erməni terrorunu əks etdirən sərgi təşkil olunub (FOTO)
Xocalı soyqırımı insanlığa, bəşəriyyətə qarşı yönəlmiş cinayət əməlidir - Pərvin Kərimzadə
Müəllimlərin işə qəbulu müsabiqəsi üzrə onlayn müsahibələrin nəticələri açıqlanıb
Bu rayonlara qar yağır, külək isə mülayimləşib - FAKTİKİ HAVA
UEFA bu çempionatların 2020/2021-ci il mövsümünü ləğv edib
Bişkek ictimaiyyəti dünya birliyini Xocalı soyqırımına obyektiv qiymət verməyə çağırıb (FOTO)
İtaliyanın daha bir şəhəri Xocalı soyqırımını pisləyən sənəd qəbul edib
Ceyhun Bayramovla Aİ komissarı arasında telefon danışığı olub
Sabah məktəblərdə dərs olacaq? - Nazirlikdən AÇIQLAMA
Ceyhun Bayramov Ukrayna xarici işlər nazirinin müavini ilə görüşüb (FOTO)
Pandemiya ən çox avtomobil nəqliyyatı üzrə yükdaşımalara ziyan vurub - Tədqiqat
Ermənistanda Azərbaycana qarşı 3 dəfə "İsgəndər" raketindən istifadənin etirafı, əslində hərbi cinayətlərin etirafıdır - Deputat
Əfv komissiyasının iclası başa çatıb, 150-dən artıq müraciətə baxılıb
FHN yollarda xilasetmə əməliyyatları həyata keçirir (VİDEO)
Polis yollarda köməksiz qalan vətəndaşlara kömək edib (FOTO/VİDEO)
Hazırda Bakıda 6 dərəcə şaxta var - FAKTİKİ HAVA
Belarusun bir sıra şəhərlərində Xocalı soyqırımının ildönümü münasibətilə anım tədbirləri keçirilib (FOTO)
Bazel şəhərində Xocalı soyqırımına həsr edilmiş ədəbi-bədii gecə təşkil edilib
Bakıda və Ağdaşda ev yanıb
Ermənilər törətdikləri vandalizm aktlarına görə beynəlxalq məhkəmələrdə hökmən layiqli cəzalarını almalıdırlar - Vüqar Rəhimzadə
Mingəçevir Dövlət Universitetində Xocalı soyqırımının 29-cu ildönümünə həsr olunmuş konfrans keçirilib (FOTO)
Qarlı havada yıxılaraq xəsarət alanların sayı 39-a çatdı (ƏLAVƏ OLUNUB)
Hikmət Hacıyev Ukrayna XİN başçısının müavini ilə görüşüb (FOTO)
Beynəlxalq sərgidə Azərbaycan məhsullarına böyük maraq var (FOTO)
Qusar polisi yollarda qalmış vətəndaşlara köməklik göstərir
Diaspor təşkilatı Norveç hökumətini Xocalı soyqırımını tanımağa çağırıb
Bakıda isinməyə ehtiyacı olan şəxslər bu sığınacaqlara üz tutur (FOTO)
Azərbaycanın avtomobil yollarındakı son vəziyyət açıqlandı
“Azəriqaz” abonentlərə müraciət edib
Ermənistan cəmiyyətində qatı anti-Rusiya ovqatı formalaşıb - Politoloq
KOB-ların dövlət satınalmalarında daha geniş iştirakı təşviq olunacaq - Mikayıl Cabbarov
Stokholm şəhərində "Xocalıya ədalət!" plakatları yerləşdirilib (FOTO)
Vətəndaşın hüquqlarını pozan daha bir şəxsin qanunsuz əməlləri ifşa edildi
Mingəçevirdə karantin qaydalarını pozan idman zalı aşkar edilib (FOTO)
Dayanıqlı İnkişaf üzrə Milli Əlaqələndirmə Şurasının növbəti iclası keçirilib
Azərbaycan və Polşa xalqlarının faciəli tarixi müzakirə edilib
Ombudsman ÜST-ün Azərbaycan Nümayəndəliyinin rəhbəri Hande Harmancını qəbul edib (FOTO)
Fevralın 25-nə USD/AZN rəsmi məzənnəsi
Sahibkar birlikləri və assosiasiyaları ilə sıx əməkdaşlıq qurulacaq - Dövlət Vergi Xidməti
Ermənistan rəhbərliyi başlarına dəymiş “dəmir yumruq”dan düzgün nəticə çıxarmalıdır - Naqif Həmzəyev
Ermənistan Azərbaycanın yaratdığı yeni reallığı artıq qəbul edir - Deputat
Türkdilli Dövlətlərin Əməkdaşlıq Şurasının energetika nazirlərinin ilk iclası keçirilib
Paytaxtda quraşdırılan sığınacaqlar haradadır? - ÜNVAN
Türkiyə, Azərbaycan və Türkmənistan XİN başçıları üçtərəfli görüşə dair birgə bəyanat qəbul edib (FOTO)
Türkiyə alpinistləri Xocalı qurbanlarını Haçadağda yad ediblər
Hərəkətin təhlükəsizliyi və fasiləsizliyinin təmin olunması üçün addımlar atılır - AAYDA
DİN Qaradağda baş verən qəza ilə bağlı məlumat yaydı: 1 nəfər ölüb, 1-i yaralanıb
Deputat peyvənd olundu: Özümü yaxşı hiss edirəm!
Bakıda yanan binada zərər çəkmiş ailələr kirayə mənzillə təmin olunacaq - Dövlət komitəsi
Son iki gündə Sığınacaq və Sosial Reabilitasiya Müəssisəsinə 6 nəfər yerləşdirilib
Bakıda havanın temperaturu mənfi 6 dərəcəyə enib
Ermənilərin aqrar sahəmizə vurduğu ziyan on milyard manatlarla ölçülür - Komitə sədri
Əfv Komissiyasının iclası keçirilir
UNEC-də Xocalı Soyqırımına həsr olunan beynəlxalq seminar keçiriləcək
İranda son sutkada 73 nəfər koronavirusdan ölüb
Uşaqların tərbiyəsində möhkəm bünövrənin qurulması
Suyun orqanizm üçün faydaları
Azərbaycan alimləri nitqin tanınması sistemlərini hazırlayıblar
Azərbaycanda son sutkada 145 nəfər COVID-19-dan sağalıb, 220 nəfər yoluxub, 2 nəfər vəfat edib
Sosial şəbəkələrdə haqqında foto paylaşılan evsiz sığınacağa yerləşdirilib
Sumqayıtda ictimai nəqliyyat işləyir - İcra hakimiyyəti (FOTO)
Son iki gündə Sığınacaq və Sosial Reabilitasiya Müəssisəsinə 6 nəfər yerləşdirilib
AMEA-nın yaşı 65-dən çox olan əməkdaşları peyvənd olunub
“Karvan-L” maşın və avadanlıq istehsalatında yenilik etməyə davam edir (FOTO)
Azər Türk Bankın ən sərfəli kartı - ATB CARD
Belçikada Xocalı soyqırımının qurbanları yad edilib (FOTO)
Bakı-Şamaxı yolunda avtomobillər yolda qalıb (VİDEO)
Parlamentdə Xocalı soyqırımı ilə bağlı məsələ ön plana çəkilib
Ermənistanda hərbi hissədə qiyam - Əsgərlər xidmətdən qaçır
Aİ-nin xüsusi nümayəndəsi Azərbaycana gələcək
Dayanıqlı İnkişaf Məqsədlərinə nail olunması istiqamətində görülmüş işlər müzakirə edilib
Deputatların bir qrupu peyvənd olunub
Türkiyəli həkimlər qazilərimizin müayinəsini davam etdirir (FOTO)
Maştağada qəza olub, qaz təchizatı alternativ xətlə təmin olunub (VİDEO)
Sabah hava necə olacaq? - Proqnoz
Kiyevdə Ukrayna dilinə tərcümə olunmuş “Xocalı: Soyqırımının xronikası” kitabının təqdimatı olub (FOTO)
Buzlaşma və yüklənmə səbəbindən bəzi yerlərdə elektrik verilişi kəsilib - “Azərişıq”
Bakıda yataqxanadakı yanğın söndürülüb (FOTO)
Qazla bağlı ən çox müraciətlər Xəzər, Sabunçu, Binəqədi rayonlarından olub
Paşinyan Rusiyanı İTTİHAM edir: "İskəndər" partlamadı
Vətən müharibəsi zamanı Su-25 və döyüş helikopterləri düşməni belə məhv edib (FOTO/VİDEO)
Gecə küçədə yatan şəxs evsiz yox, sərxoş olub - Agentlik
Abşeron İcra Hakimiyyətindən həbslərlə bağlı xəbərlərə münasibət
Qarlı hava şəraiti sığınacaqda yerləşənlərin sayının artmasına səbəb olmayıb - Agentlik
Vətən Müharibəsi iştirakçısı barəsində həbs qərarı ev dustaqlığı ilə əvəz edilib
Modul Tipli Hospitalda qanunsuz işdən çıxarılma və maaşların gecikməsi iddialarına aydınlıq gətirildi
Bütün xəbərlər