Azərbaycan, Bakı, 22 oktyabr /Trend, müxbir S.Əhmədova/
Böyük Britaniyanın NATO-nun 2014-cü ildə keçiriləcək sammitinə ev sahibliyi edəcəyi nəzərdə tutulur. Bu barədə Trend alyansın rəsmi saytına istinadən məlumat verir.
Məlumatda qeyd olunub ki, NATO-nun baş katibi Anders Foq Rasmussen təşkilatın 2014-cü ildə keçiriləcək sammitinin Böyük Britaniyada təşkil edilməsi təklifini alqışlayıb.
Baş katib qeyd edib ki, bu təklif NATO mütəffiqləri tərəfindən də bəyənilib və qəbul edilib: "Sammit bizim ISAF missiyamızın gələn ilin sonunda başa çatmasını qeyt etmək üçün yaxşı imkan olacaq".