Azərbaycan, Bakı, 25 fevral /Trend, müxbir Elçin Mehdiyev/
Müsavat Partiyasının 7 üzvü partiyadan istefa verib. Trend-in məlumatına görə, bu barədə Müsavat başqanlığına keçmiş namizəd Səxavət Əlisoy öz "facebook" profilində yazıb.
S.Əlisoy qeyd edib ki, Əlisoylar Müsavatla vidalaşdı: "Kimsə nəsə axtarmağa cəhd etməsin, məni -Səxavət Əlisoyu absurd arqumentlərlə partiya üzvlüyündən xaric etdikdən sonra bizimkilərin orada qalması şərəf məsələsi idi: "Şərəfsizlər üçün şərəfin dəyəri olmur" deyiminə inandığım üçün Əlisoyların 7 nəfər üzvünün Müsavat Partiyasından istefa etdiyini açıqlayıram".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
