Bakı. Trend:
“Beynəlxalq Ordu Oyunları - 2017” çərçivəsində Qazaxıstanın Otar hərbi bazasında “Artilleriya atəşinin ustaları” və “Snayper həddi” müsabiqələrinin təntənəli açılış mərasimi keçirilib.
Azərbaycan Müdafiə Nazirliyindən Trend-ə verilən məlumata görə, Azərbaycan hərbçilərinin də iştirak etdiyi hər iki müsabiqə avqustun 1-dən 9-dək Qazaxıstanın Otar hərbi bazasında keçiriləcək.
