Bakı. Nigar Quliyeva - Trend:
ATƏT-in fəaliyyətdə olan sədrinin Cənubi Qafqazdakı xüsusi nümayəndəsi Günter Baxlerin mandatı uzadılıb.
Bu barədə məlumatı Trend-ə ATƏT-in İtaliya sədrliyindən veriblər.
Sədrlikdən verilən məlumata görə, ATƏT-in fəaliyyətdə olan sədrinin şəxsi nümayəndəsi Anjey Kaspşikin də daha bir səlahiyyəti uzadılıb. Kaspşik mandatına uyğun olaraq, Dağlıq Qarabağ münaqişəsi ilə bağlı məsələlərdə ATƏT-in fəaliyyətdə olan sədrini təmsil edəcək.
İtaliya ATƏT sədrliyini yanvar ayının 1-də Avstriyadan alıb.