Ağdam. Humay Agacanova - Trend:
Ermənilər məscidlərdə heyvan saxlayıb, müqəddəs yerlərə yaraşmayan, çirkin əməllər törədiblər.
Bunu Trend-in Qarabağ bürosuna Türkiyənin İran Araşdırmaları Mərkəzinin direktoru Haqqı Uyğur Ağdam rayonuna səfəri zamanı deyib.
O, Ağdamda şəhərin xarabalıqlarını, ermənilərin etdiyi zülmlərin izlərini gördüyünü bildirib: “Lakin bu gün qürurluyuq, çünki sonunda Azərbaycan torpaqlarında ermənilər tərəfindən olan işğala son qoyuldu”.
Xatırladaq ki, bu gün İranın xarici işlər nazirinin müavini Məhəmməd Kazım Səccadpurun başçılıq etdiyi heyət Türkiyənin İran Araşdırmaları Mərkəzinin direktoru Haqqı Uyğurun başçılıq etdiyi türkiyəli heyətlə birlikdə Azərbaycanın işğaldan azad olunmuş Ağdam şəhərinə səfər edib.