Bakı. Trend:
Milli Məclisin Ulu öndər Heydər Əliyevin anadan olmasının 100-cü ildönümünə həsr olunmuş xüsusi iclası başlayıb.
Trend-in məlumatına görə, iclası açıq elan edən Milli Məclisin sədri Sahibə Qafarova iclas iştirakçılarını salamlayıb.
O qeyd edib ki, iclasda 228 xarici nümayəndə, o cümlədən 12 ölkənin parlamentinin sədri, 15 ölkə parlamentinin sədrinin müavini, 4 beynəlxalq təşkilatın nümayəndələri iştirak edir.
Qeyd edək ki, qonaqlar əvvəlcə Ulu öndərin məzarını ziyarət ediblər.