Bakıya ikigünlük səfəri zamanı Rusiyanın prezident administrasiyasının rəhbəri Dimitri Medvedyevlə Azərbaycan prezidentinin İcra Aparatının (PİA) əməkdaşlığı perspektivləri müzakirə olunub. Bu barədə Trend ə PİA-nın xarici əlaqələr şöbəsinin müdiri Novruz Məmmədov məlumat verib.
Onun sözlərinə görə, tərəflər "administrasiyanın əməkdaşlığı məsələlərini nəzərdən keçiriblər, əməkdaşlığını perspektivləri ilə bağlı söhbətlər, danışıqlar aparıblar"". "Bizim Rusiya Federasiyası ilə əlaqələrimiz yüksək səviyyədədir və bu əlaqələr bütün sahələri əhatə edir. Bu sahələrdən biri də məhz iki ölkənin prezident administrasiyaları arasında əməkdaşlığın inkişafına aiddir", - deyə N.Məmmədov əlavə edib. - "Mən bunu çox müsbət hadisə hesab edirəm".
N.Məmmədov bildirib ki, danışıqlarda hər hansı bir sənədin imzalanması məsələsi nəzərdən keçirilməyib. "Tərəflər yalnız ikitərəfli əlaqələrin perspektivləri üzrə, müəyyən əlaqələr və s, ilə bağlı məsləhətləşmələr aparıblar", - deyfə o bildirib.
