Trend agentliyi bildirir ki, avqustun 1-də prezident İlham Əliyev Azər Tofiq oğlu Hüseynə fövqəladə və səlahiyyətli səfir adı verilməsi və onun Yaponiyada Azərbaycan Respublikasının səfiri təyin edilməsi, Azərbaycanın Türkiyədəki fövqəladə və səlahiyyətli səfiri Məmməd Novruz oğlu Əliyevin geri çağrılaraq onun İspaniyada səfir təyin edilməsinə dair sərəncam imzalayıb.
Azərbaycan prezidenti həmçinin Zakir Arif oğlu Həşimova fövqəladə və səlahiyyətli səfir adı verilməsi və onun Türkiyədə Azərbaycanın səfiri təyin edilməsinə dair sərəncam imzalayıb.