"İslahat" seçki blokundan namizədliyi irəli sürülən 36 şəxs seçkilərdə iştirak etməkdən imtina edib". Bu barədə Trend agentliyinə "İslahat" seçki blokunun təsisçilərindən olan Demokratik Azərbaycan Dünyası Partiyasının sədri Məmməd Əlizadə bildirib.
Blokun təsisçiləri arasında əvvəlcədən belə bir məsələnin nəzərdə tutulduğunu qeyd edən M.Əlizadə: "Namizədlərdən 4-ü müxalifətdən olan namizədlər - Asim Mollazadə, Fazil Qəzənfəroğlu, Qüdrət Həsənquliyev və Sabir Rüstəmxanlının, 20-i hakim Yeni Azərbaycan Partiyasının, 12-i isə bitərəf namizədlərin xeyrinə geri çəkilib" - deyə bildirib.
Partiya sədri namizədlərin belə bir addım atmalarını Azərbaycanda siyasi qüvvələrin bir-birinə olan isti münasibəti kimi dəyərləndirib: "Onlar könüllü olaraq namizədliklərindən geri çəkiliblər. Bu da seçki prosesində təbii qəbul olunmalıdır. Blok bunu təqdir edir"
