(UNİAN) -Rəsmi Bakı müxalifətçi Rəsul Quliyevin azad edilməsini Kiyev tərəfindən dostluğa zidd addım kimi qiymətləndirir. Trend bildirir ki, bu barədə Ukraynanın "5-ci kanal" telekanalına müsahibəsində Azərbaycanın həmin ölkədəki səfiri Tələt Əliyev bəyan edib.
Onun sözlərinə görə, o, bununla bağlı olaraq artıq etiraz notası verib və Ukraynada Azərbaycan haqqında doğru olmayan fikrin formalaşdığı, habelə Azərbaycana qarşı düzgün olmayan ictimai baxışların yarandığı barədə təəssüfünü bildirib. "Bu, yolverilməzdir.Bunu dayandırmaq lazımdır.Biz həmişə dost olmuşuq və dost olaraq da qalmalıyıq" -deyə diplomat vurğulayıb.
Oktyabrın 20-də Simferopol şəhərinin Jeleznodorojnıy rayon məhkəməsi Azərbaycan Demokratik Partiyasının (ADP) oktyabrın 17-də "Simferepol" hava limanında İnterpolun orderi ilə saxlanılmış lideri Rəsul Quliyevi azad edib.