Azadlıq Hərəkatçılar Birliyi (AHB) yanvarın 18-də qurultay keçirəcək. Trend xəbər verir ki, AHB qurultaya hazırlıqla bağlı 9 nəfərdən ibarət təşkilat komitəsi yaradıb.
Onu da qeyd edək ki, AHB Milli Dirçəliş Hərəkatının (MDH) qərargahında toplantı keçirərək bu barədə qərar qəbul edib. MDH-nin lideri Fərəc Quliyev Trend ə bildirib ki, hərəkatçılara toplantı keçirmək üçün yalnız yer verilib: "Bizim onlarla heç bir əlaqəmiz yoxdur. Gələcəkdə əməkdaşlıq edə bilərik".
F.Quliyev AHB-nin toplantısında müavini Taleh Seyidovun müşahidəçi qismində iştirak etdiyini qeyd edib.
Qeyd edək ki, AHB-də yalnız milli azadlıq hərəkatında iştirak etmiş insanlar təmsil olunur.