"Təkrar seçkilərdə namizədliyini irəli sürən Müsavat Partiyasının üzvlərini ciddi cəza gözləyir". Bu barədə Trend ə Müsavat Partiyası sədrinin müavini Arif Hacılı bildirib.
Qeyd edək ki, 2006-cı il mayın 13-də parlamentə keçiriləcək təkrar seçkilərdə iştirak etməklə bağlı Müsavat Partiyasının iki üzvü - Tahir Paşa və Qurban Qurbanov Mərkəzi Seçki Komissiyasına müraciət edərək imza vərəqələri götürüb.
A.Hacılı isə bildirib ki, təkrar seçkilərdə iştirak etməklə bağlı hələlik Müsavat Partiyasının yekdil qərarı yoxdur: "Bu prosesə qatılanlar Müsavat Partiyasının üzvü sayıla bilməz. Əgər partiya təkrar seçkilərdə iştirak etməməklə bağlı qərar qəbul edərsə və namizədliyini verən partiya üzvləri bu qərara tabe olmazlarsa onları ciddi cəza gözləyəcək".