AR Milli Bankının Naxçıvan Muxtar Respublikasındakı (NMR) idarəsində 2005-ci ilin yekunlarına həsr olunmuş iclasda Milli bankın rəisi Vüqar Rəhimov bu barədə bildirib. Muxtar Respublikada fəaliyyət göstərən müvəkkil banklar tərəfindən ölkə iqtisadiyyatına yönəldilən kreditlər 19,5 milyard manat, o cümlədən uzunmüddətli kreditlər 16,5 milyard manat, qısamüddətli kreditlər isə 3 milyard manat təşkil edir.
Əvvəlki illə müqayisədə kreditlər 13,7 milyard artıb. Muxtar Respublikanın iqtisadiyyaitına yönəldilən kreditlər sahibkarlığa Milli Dəstək Fondunun vəsaiti hesabına ayrılıb, əsasən istehsal yönümlü müəssisələrin inkişafına yönəlmişdir ki, bu da Muxtar Respublikada , eləcə də Naxçıvan şəhərində də yerli sənaye məhsulları istehsalının həcminin artması və yeni iş yerlərinin yaranması deməkdir. Milli bank tərəfindən respublikamızda 6 kredit ittifaqının səlahiyyəti üçün lisenziya verilmişdir.Belə ki, hal-hazırda Culfa, Ordubad, Babək rayonlarının hər birində və Naxçıvan şəhərində 1, Şərur rayonunda isə 2 kredit ittifaqı fəaliyyət göstərir. Bu kredit ittifaqları vasitəsilə Dünya bankının vəsaiti hesabına 403 payçıya kənd təsərrüfaitı məhsulldarının istehsalı üçün 1863 milyon manat qısamüddətli kreditlər verilmişdir. V.Rəhimov onu da bildirib ki, müştərilərə azad rəqabət prinsipləri əsasında bank xidməti göstərilməsi məqsədilə ötən il noyabr ayından etibarən Naxçıvan şəhərində yeni "İŞ Bank Azərbaycan" açıq səhmda
r cəmiyyətinin 12 saylı Naxçıvan filialı fəaliyyətə başlayıb. İşdə buraxılan nöqsanlardan da ətraflı bəhs olunub. Ötən il "Kapital"bankın Sədərək rayon filialı ili 15,4 milyon, Şahbuz rayon filialı 14,4 milyon manat zərərlə başa vurub. Bu vəziyyəti qısa müddətdə aradan qaldırmaq üçün "Kapital"bankın NMR baş idarəsi tərəfindən tədbirlər görülməlidir. Yığıncaqda NMR Ali Məclisi aparatının iqtisadiyyat şöbəsinin müdiri Şükür Babayev çıxış edib, qarşıda düran vəzifələrdən danışıb.
