Azərbaycan Milli Məclisinin aqrar siyasət daimi komissiyası parlamentin yaz sessiyasında iki qanun layihəsini müzakirəyə çıxaracaq. Bu barədə Trend ə adıçəkilən komissiyanın sədri, millət vəkili Eldar İbrahimov bildirib.
Komissiya sədri birinci qanun layihəsinin "Fitosanitariya" haqqında olduğunu qeyd edib. Bildirib ki, bu qanun layihəsində əsasən xaricdən gətirilən bitkilərin mühafiəzsinin gücləndirilməsi nəzərdə tutulub. İkinci qanun layihəsi isə "Bağçılıq təsərrüfatı" haqqındadır. E.İbrahimov bu qanunla bağçılıq təsərrüfatının inkişafının yeni formada həyata keçiriləcəyini vurğulayıb.
Hər iki qanun layihəsinin müzakirəsində aidiyyatı orqanların mütəxəssislərinin də iştirak etdiyini deyən E.İbrahimov gələn həftə keçiriləcək komissiyanın iclasında sənədlərə yenidən baxılacağını bildirib.
