"Yeni Müsavat" qəzeti redaksiyasında müxalifət düşərgəsində yaranmış vəziyyətlə bağlı fevralın 14-də keçirilməsi planlaşdırılan diskussiya baş tutmayıb. Trend xəbər verir ki, diskussiyaya Müsavat Partiyası sədrinin müavini Arif Hacılı, Azərbaycan Xalqı Cəbhəsi Partiyası (islahatçılar) sədrinin müavini Fuad Mustafayev, Azərbaycan Demokrat Partiyası sədrinin birinci müavini Sərdar Cəlaloğlu, millət vəkili Pənah Hüseyn və "Yeni Siyasət blokunun təsisçilərindən olan Eldar Namazov dəvət olunmuşdu.
Qeyd edək ki, diskussiyada Müsavat Partiyasının təkrar seçkilərdə iştirakı ilə bağlı qəbul etdiyi qərardan sonra "Azadlıq" blokundan çıxması və müttəfiqləri - AXCP, ADP ilə münasibətlərin kəskinləşməsi məsələləri müzakirə olunacaqdır. Tərəflər bu məsələlərə aydınlıq gətirəcəkdir.
Diskussiyanın baş tutmamasına səbəb AXCP (i) sədrinin müavini Fuad Mustafayevin redaksiyaya gəlməməsi olub. F.Mustafayev zəng vururaq diskussiyanın baş vaxta keçirilməsini xahiş edib.
Diskussiyanın növbəti vaxtı hələ dəqiqləşdirilməyib.