Müsavat Partiyasının Divanı adından təkrar seçkilərə müstəqil şəkildə qatılan namizədlərə müraciət edilib. Bu barədə Trend ə Müsavat Partiyası sədrinin müavini Arif Hacılı bildirib.
Müraciətdə onların partiyanın vahid namizədlərinin xeyrinə geri çəkilmələri bildirilib. Qeyd edək ki, partiyanın iki üzvü (Tahir Paşa və Qurban Qurbanov) 2006-cı il mayın 13-də parlamentə keçiriləcək təkrar seçkilərə müstəqil şəkildə qatılıblar. Partiya Divanının qərarına əsasən isə həmin şəxslər vahid namizədlərin xeyrinə geri çəkilməlidirlər.
Arif Hacılı bildirib ki, əgər adıçəkilən namizədlər Divanın müraciətinə cavab verməsələr, partiya sıralarından xaric ediləcəklər. Başqan müavini məsələ ilə bağlı onlarla danışıqlar aparıldığını da bildirib: "Onların qarşısında iki yol var: ya namizədliklərindən imtina etməlidirlər, ya da partiya sıralarından xaric ediləcəklər. İki gün ərzində bu məsələ öz həllini tapmalıdır".
