Milli Məclisin mayın 5-ə planlaşdırılan növbəti iclası təxirə salınıb. Bu barədə Trend ə Böyük Quruluş Partiyasının sədri, millət vəkili Fazil Qəzənfəroğlu bildirib.
Millət vəkili qeyd edib ki, parlamentin növbəti iclası mayın 12-də keçiriləcək.
Milli Məclisdən aldığımız məlumatlara görə, parlamentin növbəti iclasında "Onkoloji yardım haqqında", "Ünvanlı dövlət sosial yardımı haqqında", "Yaşayış minimumu haqqında", "Dövlət reyestri haqqında", və "Daşınmaz əmlakın dövlət reyestri haqqında" qanun layihələrinə əlavə və dəyişikliklərin edilməsi müzakirə olunacaq.
Milli Məclisin mətbuat xidməti parlamentin mayın 5-də keçiriləcək iclasının təxirə salınmasını təsdiqləyib.
