"H.Əliyev adına Bakı-Tbilisi-Ceyhan neft kəməri regionda sülhün, təhlükəsizliyin və sabitliyin təminatıdır" qadın aksiyasının iştirakçıları mayın 5-də günün ikinci yarısı Türkiyənin Adana şəhərinə gələcəklər. Bu barədə Trend in xüsusi müxbiri Türkiyədən məlumat verib.
Bu ərəfədə aksiya iştirakçıları Girəsun və Samsun əyalətlərinin qadın təşkilatlarının nümayəndələri ilə görüşüb. Mayın 5-də Gürcüstan prezidentinin anası, Gürcüstan-Azərbaycan dostluq evinin sədri Giuli Alasoniya da aksiya iştirakçılarına qoşulub.
Mayın 6-na olan tədbirlər proqramına Ceyhan terminalına baş çəkmək və şəhərin bələdiyyə rəhbərləri ilə görüşməkdir. Elə həmin gün axşam Azərbaycan, Gürcüstan və Türkiyənin tanınmış ifaçılarının iştirakı ilə konsert olacaq.