Saat 12.00-a olan vəziyyətə görə, səsvermə prosesinin gedişində hər hansı hüquq pozuntusu aşkar olunmayıb. Səsvermə sakit, qanuna uyğun keçir. Trend in verdiyi məlumata görə, bu barədə 9 №-li Binəqədi ikinci seçki dairəsinin 4-cü seçki məntəqəsində Avropa Şurası Parlament Assambleyasının (AŞPA) müşahidə missiyasının üzvü, fransalı senator Jan Gi Dranje bildirib.
O qeyd edib ki, bu gün o, artıq Binəqədi rayonunun 3 seçki məntəqəsində olub. "Biz seçki məntəqələri sədrlərinin adlarını, seçicilərin sayını, eləcə də həmin məntəqədə öz müşahidələrimizin yekunlarını xüsusi blanklara daxil etmişik" - deyə J.Dranje bildirib və bütün blankların missiyanın rəhbəri, hollandiyalı parlamentari Leo Platvoetə təqdim ediləcəyini bildirib.
Qeyd edək ki, AŞPA missiyasının müşahidələri üzrə mətbuat konfransı mayın 14-də keçiriləcək.