İsveçrə Dağlıq Qarabağ münaqişəsinin diplomatik həlli yollarının tapılmasına tərəfdardır.
Bu barədə iyunun 12-də İrəvanda Ermənistan XİN başçısı Vardan Oskanyanla birgə keçirdiyi mətbuat konfransında İsveçrə Konfederasiyası Federal Şurasının sədr müavini, xarici işlər naziri Mişlin Kalmi-Rey (Micheline Calmy-Rey) bəyan edib.
Trend in ARKA-ya istinadən xəbər verdiyi kimi, onun sözlərinə görə, İsveçrə hökuməti dəfələrlə Cenevrədə Azərbaycan və Ermənistan prezidentlərinin görüşünü təşkil edib.
"Qarabağ münaqişəsinin nizamlanması Ermənistanın Azərbaycan və Türkiyə ilə əlaqələrinin bərpasına imkan verəcək", - deyə o qeyd edib.
Mişlin Kalmi-Reyin Ermənistana səfəri iyunun 11-dən 13-dək davam edəcək.
Səfər zamanı o, Ermənistan prezidenti Robert Köçəryan, baş nazir Andranik Markaryan və xarici işlər naziri Vardan Oskanyanla görüşəcək.