Bələdiyyə seçkiləri ilə əlaqədar bəzi hərbi hissələrdə və cəzaçəkmə müəssisələrində seçki məntəqələri yaradılacaq. Bu barədə Trend ə Mərkəzi Seçki Komissiyasının (MSK) katibi Natiq Məmmədov məlumat verib.
O bildirib ki, bələdiyyə seçkiləri keçirilən dairələrin ərazisində hərbi hissələr və cəzaçəkmə müəssisələri var. Hərbi xidmətdə və cəzaçəkmə müəssisəsində olan aktiv seçki hüququna malik vətəndaşların da səsvermədə iştirakını təmin etmək məqsədilə həmin yerlərdə məntəqələr yaradılacaq.
Qeyd edək ki, oktyabrın 6-da 604 bələdiyyəyə təkrar, yeni, ilk seçkilər keçiriləcək.