Azərbaycanın xarici işlər naziri Elmar Məmmədyarov iyulun 10-13-də Türkiyəyə səfər edəcək. Bu barədə Trend ə Azərbaycan Xarici İşlər Nazirliyinin mətbuat mərkəzindən məlumat verilib.
Səfər işgüzar xarakter daşısa da, nazir Ankarada olduğu müddətdə Türkiyə rəhbərliyi ilə görüşlər keçirməyi və ikitərəfli, regional, o cümlədən beynəlxalq məsələləri müzakirə etməyi planlaşdırır. İyulun 12-13-də Azərbaycan xarici siyasət idarəsinin başçısı Bakı-Tiflis-Ceyhan neft kəmərinin istismara verilməsi ilə əlaqədar keçiriləcək tədbirlərdə iştirak etmək niyyətindədir.
Qeyd edək ki, iyulun 8-də E.Məmmədyarovun Almaniyaya üçgünlük rəsmi səfəri başa çatıb və nazir Bakıya qayıtmayaraq birbaşa Türkiyəyə yola düşəcək.