Trend in BTC Co. Şirkətinin icraçı direktoru Rəşid Cavanşirlə eksklüziv müsahibəsi
- Bakı-Tbilisi-Ceyhan (BTC) neft kəmərinin işi üzrə hansı perspektiv planlar mövcuddur? Bu marşrut üzrə ildə ən çox nə qədər neftin nəql edilməsi planlaşdırılır və ixracın ən qızğın vaxtı hansı dövrdə olacaq?
- Biz Xəzər dənizi vasitəsi ilə gələn neft həcmləri gerçəkləşdikdə Bakı-Tbilisi-Ceyhan boru kəmərinin ötürücülük güclərini artırmaq niyyətindəyik.
Azəri-Çıraq-Günəşli laylarının verişindən asılı olaraq 2008 - 2009-cu illərdən gündəlik 1 milyon barel neftin nəql olunması planlaşdırılır və maksimum nəqliyyat səviyyəsinin 2012 - 2013-cü illərə qədər davam etməsi gözlənilir.
- 2007-ci ildən etibarən Qazaxıstanın "Tengiz" yatağından BTC boru kəməri ilə neft nəqli gözlənilir. "Tengiz"dən BTC boru kəmərinə nə qədər həcmdə neftin cəlb ediləcəyi məlumdurmu?
- Tengiz neftinin Bakı-Tbilisi-Ceyhan boru kəməri vasitəsi ilə nəql olunması haqqında son razılaşma əldə olunmamışdır və nəql olunası neftin həcmləri davam edən danışıqların gedişindən asılıdır.
-Azərbaycan tərəfi kreditləri beynəlxalq maliyyə institutlarına nə vaxtdan qaytarmağı planlaşdırır?
- Qarşımızdan gələn onillik ərzində Bakı-Tbilisi-Ceyhan boru kəməri şirkəti, AzBTC də daxil olmaqla, bütün səhmdar şirkətləri adından beynəlxalq maliyyə institutlarına kreditlərin əvəzini ödəyəcəkdir.
- Siz Bakı-Supsa və Bakı-Novorossiysk neft ixrac kəmərlərinin perspektivlərini necə görürsünüz?
-Bakı-Tbilisi-Ceyhan boru kəmərindən başqa ehtiyat ixrac variantların işlədilməsi məsələsi araşdırılmaqdadır.
- Bu yaxınlarda BTC layihəsinə ciddi maraq göstərən İsrailin bu layihəyə qoşulması ilə bağlı danışıqlar aparılırmı?
- İsrail Bakı-Tbilisi-Ceyhan boru kəməri şirkətinə birbaşa heç bir müraciət etməmişdir.
- Qazaxıstanla neft nəqli barədə tranzit sazişinin hazırlanması hansı mərhələdədir?
-Bakı-Tbilisi-Ceyhan boru kəməri şirkəti Qazaxıstan nefti barəsində tranzit sazişinin birbaşa iştirakçısı deyil. Sözügedən məsələyə Azərbaycanın, Qazaxıstanın və Qazaxıstanda fəaliyyət göstərən neft hasilatçılarının birbaşa aidiyyəti var.