Baş Dövlət Baytarlıq İdarəsindən Gəncəyə 6 ədəd nitrometr cihazı göndərilib. Bu barədə məlumatı Trend ə Gəncə şəhər Baytarlıq İdarəsinin rəisi Hüseyn Abbasov verib.
Onun sözlərinə görə, nitrometrlər artıq 6 kolxoz bazarına paylanılıb. İdarə rəisinin sözlərinə görə, bu cihazlar bazarlarda gündəlik nəzarəti həyata keçirən baytar həkimlərə burada satılan ət, süd və digər kənd təsərrüfatı məhsullarının keyfiyyətini və tərkibini yoxlamağa imkan verəcək. Abbasov bildirdi ki, baytar həkimlər sözügedən avadanlıqla işlmək üçün xüsusi təlim də keçiblər.
Müsahibin dediyinə görə, cihazın göstəricilərinə əsasən tərkibi və keyfiyyəti normaya uyğun gəlməyən məhsulların satışına icazə verilməyəcək.
