...

KXCP sentyabrın 15-də paytaxtın Bakıya köçürlməsinin ildönümü münasibəti ilə tədbirlər keçirəcək

Siyasət Materials 8 Sentyabr 2006 17:23 (UTC +04:00)

Trend-i buradan izləyin

Sentyabrın 15-də Klassik Xalq Cəbhəsi Partiyası (KXCP) 1918-ci ildə Azərbaycan Xalq Cümhuriyyəti dövründə paytaxtın Gəncədən Bakıya köçürüldüyü günün ildönümünü qeyd edəcək. Bu barədə Trend ə Klassik Xalq Cəbhəsi Partiyasından məlumat verilib.

Qeyd edək ki, Şərqdə ilk müstəqil cümhuriyyət olan Azərbaycan Demokratik Respublikasının paytaxtının Gəncədən Bakıya köçürülməsinə dair 1918-ci il sentyabrın 15-də qərar çıxarılıb. Həmçinin həmin dövr azərbycanlılara qarşı soyqırımlar törədilən zaman şanlı türk ordusunun Azərbaycana gələrək daşnak-bolşevik qruplaşmalarına qarşı mübarizə aparması ilə də tarixə düşüb.

Sentyabrın 15-də paytaxtın Bakıya köçürülməsi və türk ordusunun Bakını və digər əraziləri işğaldan azad etdiyi günün ildönümü münasibəti ilə KXCP sentyabrın 15-də tədbirlər keçirəcək. Əvvəlcə Bakıda Şəhidlər Xiyabanı ziyarət olunacaq. Şəhidlərin və türk əsgərinin xatirəsinə ucaldılmış abidənin önünə gül-çiçək dəstələri qoyulacaq, Azərbaycan və türk şəhidlərinin xatirəsi yad ediləcək. Sonra KXCP-nin qərargahında dəyirma masa keçiriləcək, ziyalılar, alimlər 1918-ci il 15 sentyabr hadisələrinin mahiyyəti barədə danışaqlar.

Həmçinin KXCP-nin Qobustan və Şamaxı rayon təşkilatlarına tapşırıqlar verilib ki, Şamaxı yolunda dəfn olunmuş türk ordusunun zabiti Qədir Əfəndinin məzarı ziyarət olunsun və onun məzarı önündə anım tədbiri keçirilsin.

Xəbər lenti

Xəbər lenti