Naxçıvan şəhərində növbəti əmək yarmarkası keçirilib. Yarmarkaya 9-u özəl olmaqla 47 idarə, müəssisə və təşkilatdan 470 boş iş yeri çıxarılaraq, 25 nəfər daimi işlə təmin olunub. Bu barədə Trend in bölgə müxbiri xəbər verir.
Ümumiyyətlə 2006-cı ilin əvvəlindən bu günədək Naxçıvan Şəhər Əhalinin Məşğulluğu Mərkəzinə müraciət edənlərdən 327 nəfər daimi işlə təmin olunub, 20 nəfərlik kvota-norma yerinə göndərilib.
Qeyd edək ki, adıçəkilən təşkilatın keçirdiyi əmək yarmarkaları sonuncu dəfə cari ilin aprel və iyun aylarında baş tutub ki, bu zaman 58 nəfərin işlə təmin olunması təmin edilib.
