Pakistan Milli Assambleyasının sədri Çoudri Əmir Hüseyn Azərbaycana rəsmi səfərə dəvət oulnub. Azərbaycanın Pakistandakı səfirliyindən Trend ə verilən məlumatda bildirilir ki, Azərbaycan Milli Məclisinin sədri Oqtay Əsədovun adından dəvəti Azərbaycan parlament nümayəndə heyətinin rəhbəri, beynəlxalq parlamentlərarası dostluq qrupunun sədri Eldar İbrahimov 29 noyabr-3 dekabr tarixlərində Pakistana səfəri zamanı Çoudri Əmir Hüseynə təqdim edib.
Pakistan parlamenti rəhbəri ilə görüşdə tərəflər ikitərəfli əməkdaşlığın aktual məsələlərini, parlamentlərarası əlaqələrin inkişaf etdirilməsi perspektivlərini müzakirə ediblər.
Səfər zamanı Azərbaycanın parlament nümayəndə heyəti Pakistan Milli Assambleyasının Xarici Əlaqələr üzrə komitəsinin sədri Müşahid Hüseynlə, Pakistanın yanacaq və təbii ehtiyatlar naziri, eyni zamanda Pakistan-Azərbaycan Hökumətlərarası Birgə Komiassiyanın həmsədri Əmənulla Xan Cadun və Pakistan Senatının sədri vəzifəsini icra edən Can Camali ilə görüşüb, ölkələr arasında əməkdaşlığın genişləndirilməsi ilə bağlı müxtəlif səpkili məsələləri müzakirə edib, Azərbaycan və Pakistan arasanda dostluq va qardaşlıq mınasibıtlərinin daha yüksək səviyyəyə qaldırılması barədə fikir mübadiləsi aparıb, bu görüşlərdə beynəlxalq aləmdə bundan sonra da bir-birinə dəstək nümayiş etdirilməsinin xüsusi əhəmiyyət kəsb etməsi vurğulanıb.
Azərbaycan nümayəndə heyəti həmçinin Pakistanın hakim partiyası olan Pakistan Müsəlman Liqasının prezidenti Çoudri Hüseynin iqamətgahında qəbul edilib, hər iki ölkədə hakimiyyətdə olan partiyalar arasında mınasibətlərə dair fikir mübadiləsi aparılıb.
Azərbaycan Milli Məclisinin deputatları Pakistanın aparıcı universiteti Qaidi Əzzamda "Azərbaycan və regional energetik əməkdaşlıq" mövzusunda keçirilən "dəyirmi masa"da iştirak edib.
Pakistanın rəsmi şəxsləri ilə görüşlər zamanı Azərbaycan parlamentariləri dəfələrlə Ermənistan-Azərbaycan,Dağlıq Qarabağ münaqişəsinə toxunublar.
Səfər çərçivəsində Azərbaycan deputatları Pakistan Luk Virs mərkəzi etnoqrafik muzeyində Azərbaycan ocağının açılışında da iştirk ediblər.
Xatırladaq ki, Milli Məclisin nümayəndə heyətnin tərkibinə üç daimi komissiya sədrləri Eldar İbrahimov, Hacı Rəcəbli və Rəbiyyət Aslanova, həmçinin deputatlar Asim Mollazadə və İsa Həbibbəyli daxil idi.