Bu gün Gəncənin mərkəzində Qatır Məmməd deyilən ərazidə yerləşən "İnam" Ticarət Mərkəzinin fəaliyyəti dayandırılıb. Trendin Qərb Bürosu yarmarkada işləyənlərə istinadən xəbər verir ki, səhər saatlarından polis satış mərkəzinə gələrək alış-verişi qadağan edib və bildirb ki, yarmarkadan əşyalarını boşaltsınlar.
Satıcı Asif Vəliyevin verdiyi məlumata görə, 1 ay bundan əvvəl onlara bu barədə xəbərdarlıq edilib. Lakin köçürülmənin bu qədər tez aparılacağına inanmayan satıcılar hətta yeni tikilən yarmarkada satış yeri də almayıblar. Hələ ki, ticarət mərkəzinə şəhər rəhbərliyindən heç kəs gəlməyib.
Qeyd edək ki, bir neçə ay bundan əvvəl "İnam" Ticarət Mərkəzində güclü yanğın olmuşdu. Nəticədə sahibkaralara ziyan dəymişdi. Şəhər rəhbərliyi yarmarkanını yaxınlarda yeni yerə, Yeni Gəncə qəsəbəsində tikilən yarmarkaya köçürüləcəyini bildirmişdi.
"İnam" Ticarət Mərkəzi köçürüləndən sonra onun yerində yeni parkın salınması planlaşdırılır.
