Bu gün "İnam" Ticarət Mərkzəinin satıcıları Gəncə şəhər İcra Hakimiyyəti binasının qarşısında etiraz aksiyası keçirməyə cəhd göstəriblər. Trendin Qərb Bürosu xəbər verir ki, aksiyada 300-ə yaxın adam olub.
Bundan başqa meydana aksiyanı dağıtmaq üçün 200-ə yaxın poolis işçisi toplaşıb. Aksiya iştirakçıları şəhər İcra Hakimiyyəti başçısı ilə görüşməyə cəhd göstərsələr də, bu mümkün olmayıb. Polis kişi iştirakçıları bölməyə aparıb, qadınlar isə avtobuslara oturdularaq meydandan uzaqlaşdırılıb. Aksiya iştirakçıları bildirib ki, onlara "İnam" Ticarət Mərkəzində işləməyə imkan vermirlər. Onların Yeni Gəncə qəsəbəsində yaradılan "Nəhəng daş" yarmarkasına getmələri tələb olunur. Aksiya iştirakçıları bildiriblər ki, yeni yarmarkada alqı-satqı üçün heç bir şərait yoxdur, buna görə də onlar ora getmək istəmirlər.
Şəhər İcra Hakimiyyəti başçısını müavini Şahmalı Cavadov isə bildirib ki, "İnam" Ticarət Mərkəzi bundan sonra fəaliyyət göstərməyəcək. O, sökülərək yerində park salınacaq. Cavadov aksiya iştirakçılarına məsləhət görüb ki, vaxtında gedib yeni yarmarkada yer alsınlar və təmir işinə başlasınlar.
