...

YAP İdarə Heyətinin iclası keçirilib

Siyasət Materials 28 Dekabr 2006 17:35

Trend-i buradan izləyin

Dekabrın 28-də hakim Yeni Azərbaycan Partiyasının İdarə Heyətinin iclası keçirilib.

Trend in məlumatına görə, iclasda gündəliyiə uyğun olaraq Azərbaycan Respublikasının prezidenti, Yeni Azərbaycan Partiyasının sədri İlham Əliyevin partiyanın Xaçmaz rayon təşkilatının fəalları ilə görüşündə çıxışı və həmin çıxışdan irəli gələn vəzifələr, mərhum eks-prezident Heydər Əliyevin anadan olmasının 84-cü ildönümünə həsr olunmuş konfransa hazırlıq barədə məsələlər müzakirə olunub və partiyanın rayon təşkilatlarının hesabat- seçki konfranslarının gedişi haqqında məlumat dinlənilib.

YAP icra katibi, millət vəkili Əli Əhmədov Azərbaycan prezidenti, Yeni Azərbaycan Partiyasının sədri İlham Əliyevin partiyanın Xaçmaz rayon təşkilatının fəalları ilə görüşündəki çıxışında YAP-ın qarşısına qoyulan vəzifələr və eks-prezident Heydər Əliyevin anadan olmasının 84-cü ildönümünə həsr olunmuş konfransa hazırlıq işləri barədə ətrafıl məlumat verib.

Geniş müzakirələrdən sonra prezident İlham Əliyevin partiyanın Xaçmaz rayon təşkilatının fəalları ilə görüşündə çıxışı və YAP-ın qarşısında duran vəzifələrə dair rayon təşkilatlarında seminarların təşkil olunması məqsədəmüvafiq hesab edilib, eks-prezident Heydər Əliyevin anadan olmasının 84-cü ildönümünə həsr olunmuş konfransın mövzusu və hazırlıq işlərinin qrafiki müəyyən edilib.

YAP-ın rayon təşkilatlarının konfranslarının gedişi haqqında partiyanın icra katibinin müavini, millət vəkili Siyavuş Novruzov məlumat verib. Qeyd olunub ki, dekabrın 28-nə qədər 45 rayon və şəhər təşkilatında konfranslar keçirilib, digər təşkilatlarda isə konfranslara hazırlıq işləri tam başa çatıb.

Qeyd edək ki, YAP 1992-ci ildə Naxçıvan Ali Məclisinin sədri Heydər Əliyev tərəfindən yaradılıb. Azərbaycanda 13 ildir hakim partiya olan YAP-ın indiki sədri prezident İlham Əliyevdir.

Xəbər lenti

Xəbər lenti