Gəncə Dövlət Yol Polis Şöbəsi yanvarın 10-dan etibarən maye qazla işləyən nəqliyyat vasitələrinin aşkar olunması istiqamətində reydlər keçirir. Trendin Qərb Bürosu Yol Polisi Şöbəsinin rəisi Adil Zeynalova istinadən bildirir ki, iki gün davam edən reyd nəticəsində 14 belə hal aşkar edilib və sürücülər inzibati prototokol tərtib olunaraq cərimələnib.
"Sərnişindaşımada çalışan sürücülər idarə etdikləri nəqliyyat vasitələrinə icazəsiz qaz balonları və əlavə oturacaqlar quraşdırıblar. Keçirilən reydlərin məqsədi belə halların qarşısını almaqdır" - A.Zeynalov qeyd etdi.
Polis rəisinin sözlərinə görə, reyd zamanı bir sıra digər qansuzluqlar da aşkar olunub. "Şəhər ərazisində qanuni dayanacaqlar olduğu halda, sürücülər istədikləri yerdə maşın saxlayırlar. Bu isə digər avtomobilllərin hərəkətinə mane olur, həmçinin süni tıxacların və sərinişlərin həyatı üçün təhlükəli halların yaranması ilə nəticələnir" deyən Zeynalov reyd zamanı bu cür yol hərəkət qaydasını pozan sürücülərin də inzibati protokol tərtib olunaraq cərimələndiklərini bildirdi.
Müsahib dəfələrələ Nəqliyyat Deportamentinin rəhbərliyi ilə bu məsələni müzakirə etdiklərini bildirdi və əlavə etdi ki, reyd zamanı sözügedən qanunsuz hallara yol verən sürücülər şərti maliyyə vahidinin 3 mislindən 8 mislinədək cərimələnir. Saxlanılan nəqliyyat vasitələri isə cərimə meydançasında cəmi bir gün saxlanılaraq, quraşdırılmış qaz balonları söküldükdən sonra yenidən xəttə buraxılır.