Dehlidə 20 Yanvar faciəsinə həsr olunmuş tədbir keçiriləcək. Bu barədə eksklüziv olaraq Trend ə Azərbaycanın Hindistandakı səfiri Tamerlan Qarayev bildirib. O qeyd edib ki, tədbir yanvarın 20-də Azərbaycan-Hindistan Mədəniyyət Mərkəzində keçiriləcək, tədbirə Hindistan ictimaiyyəti nümayəndələri dəvət olunub.
Bundan başqa, T.Qarayev bildirib ki, yerli jurnallardan birinin növbəti sayı Azərbaycanda baş vermiş 20 yanvar faciəsinə həsr olunacaq. Bu haqda informasiyalar həmçinin Hindistan mətbuatında geniş şəkildə işıqlandırılacaq.